Naverok

Feqiyê Teyran mêrxasê edalet û wekheviyê ye. Wî mîrtiya xwe, dîndarî û zanyariya xwe giş li ser dadmendî û rastiyê kiriye. Ew Erasmûsê Rojhilat e. Ew şoreşgerekî olperest û romantîk e. Ji bo Feqiyê Teyran jiyan, têkiliyên sosyal, evîndarî û dîndarî divê wek avê paqij, zelal, durist û xweş bin; di pratîkên xwe yên jiyanî de her tim ew li gorî van wesfan tevgeriyaye. Ew, biqasî feqî bimîne “nefsbiçûk”, biqasî bi teyran re hevalbendiyê bike “naturel”, û biqasî ji bo gelê xizan bi çeman re têkoşînê bike “humanîst” e. Ji ber wesf û tevgerên xwe yên “av”î, Feqiyê Teyran naturalîst û humanîstekî mezin ê dewra xwe ye.

Çendê bêjim sir û halan

Ah, ji destê çavxezalan

Her dinalim mah û salan Kes bi halê min nezan

Ew mehbûba wek stêra Tasîra keça mîra Te helandî Feqiyê Teyra Kes bi halê min nezan