Naverok

Dayikê ji vê dinyayê, xemgîn xatir xwest. Şerîtên fîlma dawiyê jî ev bêpariyan pir bi zelalî xuya dibûn.

Dayikê di kêliya dawiyê de jî xemgînî bi xwe re bir. Di jiyana xwe de xeyalên mezin nekiribûn,

li benda hêviyên mezin nebû. Xeyalên biçûk jî, hêviyên biçûk jî mixabin para wê neketin.

Dayik, dara çinarê niha li ser nivînên xwe bêdeng, bêhes, bêgiyan radizê; xewa bêdawî ji bedenê dernakeve.

Ev hesret wê tu car ji wî dilê jar neyê jenîn. Ew dil wê ji bo kesera kûr nevêjê.