Naverok

"Jixwe ji kêlîka serî ji pêjna wî xuya dibe ku ew bi awayekî nêtxerab nêzîkî berhemê dibe û ne destvala ye, kengî keysê bi berhemê dixe êrîşî wê dike û êşkencê pê dike; mirov dikare vê kirûyê wek “sadîzma pirtûkê” bi nav bike. 
Di “sadîzma pirtûkê” de rexnegir xwedî kesayeteke derizî û wijdanekî felişî ye û ya ku li ser navê rexneyê dike ne rexnegirî lê “sadîzm” e. Di vir de rexnegir ne rexnegir e sadîstek e û derdê wî ne başkirin an jî pêşxistina berhemê ye, derdê wî rasterast êşandin e, êşandina berhemê ye. Ew li ser navê rexneyê sadîzmê dike lê sadîzma xwe bi rexneyê dinixumîne. “Rexneya sadîst” ji bo civak û hunerekê pir bi talûke ye."